هنتكلم النهاردة عن شامبو هيربال اسنس الجديد bio renew والخالي من : 
- السليكون.
- البارابين.
- الجلوتين.
- اَي ملونات.
.
🌸الشامبو خالي من كل ال فوق اه بس بيحتوي علي مشتقات السلفات ، فَلَو مش بتحبي السلفات مش هيكون مناسب.

🌼اخترت اني اجرب ال بالقهوة لانها غنيه بمضادات الأكسدة ومفيدة في تساقط الشعر ، بس طبعا هي مش موجودة بنسبه كبيرة في تركيبة الشامبو.

🌸الشامبو متوازن ph ، فمش بيسبب خلل في توازن الشعرايه او مساعده في زيادة الهيشان.

تجربتي:

🌼الشامبو له رائحة جميلة جدا كعادة شركة هيربال اسينس طبعا.
.
🌸بينضف الشعر كويس جدا جدا ، بحس بعده الشعرايه كده كانها بتتنفس ومش ملزقة.
.
🌼مفترض انه مش بيغير لون الشعر المصبوغ بس دي معرفتش اختبرها لاني مش بلون شعري 🤷🏻‍♀️.
.
🌸الشامبو مفيهوش سيليكون، مش هتحسي ان الشعرايه ناعمه وسايحة زي اغلب الشامبوهات التجارية ال في السوق.

🌼بالنسبه لي يعتبر أفضل الشامبوهات التجارية ال في السوق.

🌸الشامبو يفضّل استخدام بلسم بعده ولكن يجب العلم بأن البلسم الخاص من نفس النوع به سليكون .

🌼ملاحظات:

-سعر الشامبو ٧٤ جنيه لحجم ٤٠٠ مل. 
-متوافر في الصدليات واي هايبر ماركت.